“Marine Services” MMC olaraq həyata keçirdiyimiz dibdərinləşdirmə (dredging) layihələrindən biri də CDC (Caspian Drilling Company) sahəsində icra olunmuşdur. Bu layihə Xəzər dənizindəki su səviyyəsinin azalması ilə bağlı yaranmış operativ ehtiyaclara cavab olaraq həyata keçirilmiş və dövlət əhəmiyyətli infrastruktur məqsədlərinə xidmət etmişdir.

Layihənin əsas məqsədi – Qarabağ qazma qurğusunun texniki baxım və xidmət işləri üçün CDC körpüsünə təhlükəsiz şəkildə yanaşmasını təmin etmək idi. Bunun üçün mövcud dərinlik – təxminən 7 metr olan ərazi – 9.4-9.6 metr səviyyəsinə qədər dərinləşdirilmişdir. İş sahəsi təxminən 1 km uzunluğa və 100 metr enə malik kanal daxilində və liman ərazisində aparılmışdır.

Dibdərinləşdirmə zamanı qarşılaşılan əsas geoloji maneələr – gil tərkibli dəniz yatağı və körpülərə yaxın ərazilərdəki sərt qaya formaları olmuşdur. Bu, layihənin texniki cəhətdən çətin və yüksək dəqiqlik tələb edən mərhələlərə bölünməsinə səbəb olmuşdur. Lakin komandamız tərəfindən əvvəlcədən aparılan sualtı müayinə və planlaşdırma nəticəsində çətin relyeflərə uyğun xüsusi texnika və metodlarla işlər uğurla icra olunmuşdur.

Dibdərinləşdirmə prosesi zamanı ətraf mühitin qorunması, çökəntilərin yayılmasının məhdudlaşdırılması, və suda bulanıqlığın minimuma endirilməsi üçün ekoloji nəzarət prosedurlarına da ciddi şəkildə əməl olunmuşdur.

Bu layihə, “Marine Services” MMC-nin yalnız dəniz texnologiyaları üzrə deyil, həm də strateji əhəmiyyət daşıyan layihələrə operativ yanaşma və yüksək icra qabiliyyəti ilə yanaşdığını göstərmişdir. CDC sahəsində aparılan bu iş, Qarabağ qazma qurğusunun fəaliyyətinin davamlılığını təmin etməklə, Xəzər dənizində enerji sektoruna birbaşa təsir göstərmişdir.

Layihə müvafiq qurumlar tərəfindən nəzarətdə saxlanılmış və görülən işlər texniki dəqiqlik, sürət və ekoloji məsuliyyət baxımından yüksək qiymətləndirilmişdir.